بعد إبعاده رسميًا عن رئاسة لجنة كرة السلة في نادي هومنتمن، وجّه غي مانوكيان رسالة إلى جمهور النادي عبر حساباته على مواقع التواصل الاجتماعي، في أعقاب التطورات الأخيرة التي شهدها ملف كرة السلة في النادي.
وكتب مانوكيان في رسالته:
“لكل جمهور الهومنتمن، وين ما كنتوا بالعالم،
بعد 15 سنة عطيت فيها كل شي عندي للنادي اللي حبيته من وأنا ولد… تم إبلاغي رسمياً إنّي ما رح كون بعد اليوم على رأس لجنة كرة السلة في الهومنتمن.
للأسف، اللي حاربوا أحلامنا ربحوا هالمعركة، واختاروا مصالحهم الشخصية على حساب أحلام وآمال آلاف الهومنتمناغان والمحبّين حول العالم.
بس التاريخ ما حدا بيقدر يمحيه.
بـ15 سنة حلمنا سوا، قاتلنا سوا، تألّمنا وفرحنا سوا… وربحنا كل لقب ممكن نربحو.
شكراً لكل مشجّع، سبونسر، لجنة، متطوّع، مدرّب، ولكل محارب لبس القميص البرتقالي وقاتل كرمال هالشعار وجمهوره.
أنا كنت هومنتمن قبل أي منصب، ورح ضل هومنتمن لآخر نفس.
المناصب بتروح، الرؤساء واللجان بيتغيّروا… بس الهومنتمن ملك شعبه وجمهوره.
يمكن أنهوا منصبي، ويمكن قتلوا مشروعنا مرحلياً… بس ما رح يقدروا يقتلوا حبّي للنادي، لشعبي وللبنان، ولا شو يعني الهومنتمن بالنسبة إلنا.
ما رح قول وداعاً… بل إلى اللقاء في الملاعب والساحات، لنرفع سوا كؤوس النصر من جديد… ولو بعد حين.
GETSE HOMENETMEN. 🧡”
وتأتي رسالة مانوكيان لتؤكد أن نهاية مهمته في لجنة كرة السلة لن تكون نهاية علاقته بهومنتمن، في وقت يبقى فيه مستمرًا في دعمه للنادي وجمهوره، بانتظار ما ستكشفه المرحلة المقبلة.
بعد إبعاده عن النادي… غي مانوكيان يوجّه رسالة إلى جمهور هومنتمن .
